jueves, 4 de octubre de 2012

Prantamos carballos

Hoxes, xoves 4 de outubro, os nenos e nenas de 4 anos estivemos a facer unha prantación.
Como ben sabedes, estamos a traballar co conto "Xaime e as landras" e decidimos facer como o protagonista do mesmo; así, nos puxemos en marcha, falamos co mestre Bieito para que nos axudase e, hoxe por fin, puidemos realizar a prantación dos nosos futuros carballos.
Para comezar, precisamos area, terra, un pouquiño de auga e, como non, as landras.
Contamos coa axuda do alumnado de 3º de primaria que nos botou unha man nas tarefas a realizar. 
O proceso foi o seguinte: 
1. Botar un pouco de area no envase de plástico.
2. Botar un pouquiño de terra.
3. Colocar a landra.
4. Voltamos a poñer area.
5. Poñemos terra.
6. Botamos un pouquiño de auga e... listo!!!
Agora, os nosos futuros carballos xa están preparados para medrar. Soamente precisan de calor, sol e moita paciencia.
Xa vos contaremos como vai o proceso así que seguide atentos e atentas ao blog.

No hay comentarios:

Publicar un comentario